Өмет

Төн үткәрәм кабат керфек какмый…

Җыен юк-бар уйлар, буталчык.

Киләчәкләр җиңел булмаслыгы, 

Бикле булачагы ап-ачык.

Бәхетләргә юлны үзем ябам…

Тайгак юллар никтер гел тарта…

Ут өстендә биетә дә язмыш,

Каралганчы көлдә ауната.

Агарырмын димә… таплар бетми,

Юылса да — инде киелгән…

Чигенергә соң шул, язмышларның

Пар атлары инде җигелгән. 

Тик бер өмет китми күңелдән —

Агарыр, дип, җаным күмердән…

Фәридә Хәсәнова,

О.Әтнә. 21.01.2017