Сары чәчәк

Келәм чиккән сары чәчәк, 
җитмәс кочак алсам куенга. 
Җылысыннан мәхрүм калмас өчен, 
бәбкә үлән үргән муенса. 
Чиксезлектән күзем ала алмыйм, 
чыкларында энҗе җемелди. 
Кодрәтеңә гаҗиз калып карыйм, 
балкып калыйм әле, дидеңме? 

…Вакыт үтәр, “янып” бетәр 
чәчкә күңел аклыгында. 
Басып торам һуштан язып, 
сары чәчәк сафлыгына. 
Тәңгәл микән әллә тәкъдир 
шушы чәчкә язмышына?! 

Сүрия Мингатина 
25. 05. 2018

 

0 0 vote
Article Rating
Подписаться
Уведомление о
guest
0 Комментарий
Inline Feedbacks
View all comments
0
Would love your thoughts, please comment.x
()
x