САУБУЛЛАШУ

Язмыш кырыс — дуслар китә.
Балаларны ятим итә.
Яшәү-үлем чиген үтү өчен
Бер хәлиткеч мизгел җитә!

Әйтмиләрдер юкка: анда да дип
Җүнсез түгел, ә яхшылар кирәк.
Китә менә арабыздан дустыбыз-
Шәфкатьле һәм асыл йөрәк!

Эльвирабыз! Озатабыз Сине
Оҗмахларда булсын урының.
Күкләрдән күзләрсең йолдыздай
Хәлләрен кызыңның ,улыңның.

Биектаулылар күңелендә көмеш
чыңы булып калырсың инде.
Ә дүсларың йөрәгендә мәңге
Йолдыз булып янарсың инде!

Якыннарга — ачы хәсрәт,
Ходай бирсен сабырлыкны!
Чын күңелдән бүлешәбез
Сезгә килгән авырлыкны..

Зөһрә ХӘКИМУЛЛИНА