ТӘМӘКЕ

Көн дә кереп таныш кибетеңә ,
Үзеңә чир сатып аласың .
Сурәтләрен карап , сатучыдан
Яхшысын сорап сайланасың .

Сатып алып кибет киштәсеннән,
Бар тырышлыгын суга сала .
Гаиләгә тапкан мөлкәтеннән
Күккә очкан төтеннәр кала .

Зәхмәт микән ,
Әллә берәр чирме ? —
Төнлә торып куллар үрелә .
Беткәнлеген сизеп алганнан соң ,
Бөтен күңел шуннан сүрелә .

Бу тәмәке башта бик күңелле ,
Рәхәт ; ул булганда , син сабыр .
Бетеп китсә , синнән явызы юк ,
Ә ташлавы үзен бик авыр !

Алмаз ӘХМӘТГАЛИЕВ