Утны сүндерергә

Бер. Ике. Куркам…
түбәләргә кисәк ауган кар кебек
шикле күзләр, сүзләр, күләгәләр
ава өскә. уйлар күбек — күбек.

берсен — берсе изеп һава тышлый
саны чыкмас шикләр аңны кисә:
юк, йоклама. алар, алар, беләсең бит!
синең бары күз йомганың көтә!
күрәсең бит? кай вакыттан бирле
ишек катын саклый. селкенми дә
аякларың күтәр! тоймыйсыңмы?
калтыранып куя салкын идән.
беләсең бит: ишек арты ишек.
кайсын ачма — шомлы итеп елый.
Ачма! нигә сиңа артык күләгәләр?
Куллар җитмәс булганнарын саный.
Елама…
Түз бары — таңгача,
Булмаса — күзләрең сүнгәнче.
кайчан да бер тапкыр тынарлар.
тик үзең аңарчы сүнмәче…


Сорау сыман калкып тора күләгәләр
саны чыкмас шикләр аңны кисә.
Гаепләмә мине. Бүген тагын
куркам.
куркам утны сүндерергә

Гүзәлә

Балтач районы, Куныр авылы