Сөю балкышы
Мең йолдыз атылды,
мең төсмер балкыды
ул төннең күзендә.
Галәмнең хуҗасы күз кысты
ике җан алкышын күрде дә…
Рубрика «Автор язмалары»
Сары чәчәк
Келәм чиккән сары чәчәк,
җитмәс кочак алсам куенга.
Җылысыннан мәхрүм калмас өчен,
бәбкә үлән үргән муенса.
Көз исе
Көз качышлы уйный
җәйнең кочагында,
мәрхәмәтсез түгел, күр, кояш!
Табын тутырып муллык килә әнә,
көзнең исе килә иң алдан.
Гомер очы – күмер
Дөнья мәшәкате белән дин барын да оныткан. Тәүбәгә килмәгән. Әбисе сабый чакта күпме догалар өйрәтте, югыйсә, күңелдән сөйли иде. Кайчан онытты соң ул аларны. Тормышы көйгә салынып, акча исәпли башлагачмы? Әллә инде оятны онытып чит ятакка яткандамы?
Яратам сине
Күк зәңгәр икән бит, аны да бүген, 45 яшендә күрде ул. Күкнең зәңгәрлеген күрер өчен дә бәхетле булырга кирәк икән. Бүген ул бәхетле, бөтен дөньяга “Мин бик бәхетле”, “Яратам сине”, дип кычкырасы килә.
Ана теле
Ана теле, әби-бабам теле – татар теле! Гомерем буе горурланып, гомерем буе сокланып, гомерем буе аны югалтудан куркып яшим. Бишектән бирле шул телнең аһәңе белән гомер итеш.
Шатлык
Шатлык яшьләре булса, аңлыйм… Тагын җиргә көз килә, фасыл алышынганда табигать килеш-кыяфәтен үзгәртә. Агачларга әкрен генә сары төс иңә, ара-тирә яуган яңгыр әнә шул агачларның күз яше кебек тоела Әнвәргә. Төсләрен үзгәртерлек булгач, аларның да үзәкләре өзеләдер.Туган яклары белән саубуллашкан кошларның тавышлары үзенең дә йөрәген телгәли. Дөньяга килгән ояларының җылысын калдырып китәргә мәҗбүрләр …